အနည်းဆုံးအခကြေးငွေ နည်းဥပဒေများ

ပြည်ထောင်စုသမ္မတ မြန်မာနိုင်ငံတော်အစိုးရ

အမိန့်ကြော်ငြာစာ အမှတ်၊ ၆၄/၂၀၁၃

၁၃၇၅ ခုနှစ်၊ ဝါဆိုလဆန်း ၅ ရက်

(၂၀၁၃ ခုနှစ်၊ ဇူလိုင်လ ၁၂ ရက်)

 အလုပ်သမား၊ အလုပ်အကိုင်နှင့် လူမှုဖူလုံရေးဝန်ကြီးဌာနသည် ၂၀၁၃ ခုနှစ်၊ အနည်းဆုံး အခကြေးငွေဥပဒေပုဒ်မ ၃၆၊ ပုဒ်မခွဲ (က)အရ အပ်နှင်းသော လုပ်ပိုင်ခွင့်ကိုကျင့်သုံး၍ ပြည်ထောင်စုအစိုးရအဖွဲ့၏ သဘောတူညီချက်ဖြင့် အောက်ပါနည်းဥပဒေများကို ထုတ်ပြန်လိုက်သည်။

အခန်း(၁)

အမည်နှင့် အဓိပ္ပာယ်ဖော်ပြချက်

၁။ ဤနည်းဥပဒေများကို အနည်းဆုံးအခကြေးငွေ နည်းဥပဒေများဟု ခေါ်တွင်စေရမည်။

အခန်း(၂)

အမျိုးသားကော်မတီ ဖွဲ့စည်းခြင်းနှင့် လုပ်ငန်းတာဝန်များ

အခန်း(၃)

ပြည်ထောင်စုနယ်မြေကော်မတီ၊ တိုင်းဒေသကြီးကော်မတီ သို့မဟုတ် ပြည်နယ်ကော်မတီများဖွဲ့စည်းခြင်း

၉။  သက်ဆိုင်ရာပြည်ထောင်စုနယ်မြေ၏ကောင်စီ၊ တိုင်းဒေသကြီး သို့မဟုတ် ပြည်နယ်အစိုးရအဖွဲ့သည် ပြည်ထောင်စုနယ်မြေကော်မတီ၊ တိုင်းဒေသကြီးကော်မတီ သို့မဟုတ် ပြည်နယ်ကော်မတီများဖွဲ့စည်းနိုင်ရေးအတွက် အစိုးရဌာန၊ အစိုးရအဖွဲ့အစည်းများမှ ကိုယ်စားလှယ်များ၊ အလုပ်သမားနှင့် အလုပ်ရှင်ကိုယ်စားလှယ်များ၊ အခကြေးငွေသတ်မှတ်ခြင်းဆိုင်ရာ လုပ်ငန်းကျွမ်းကျင်ပြီး မျှတစွာဆောင်ရွက်မည့် ပုဂ္ဂိုလ်များ၏ အမည်စာရင်းကို အမျိုးသားကော်မတီသို့တင်ပြရမည်။

၁၀။ အမျိုးသားကော်မတီသည် နည်းဥပဒေ ၉ အရတင်ပြသည့် ကိုယ်စားလှယ်များဖြင့် ပြည်ထောင်စုနယ်မြေကော်မတီ၊ တိုင်းဒေသကြီးကော်မတီ သို့မဟုတ် ပြည်နယ်ကော်မတီကို အောက်ပါအတိုင်းဖွဲစည်းရမည်-

အခန်း(၄)

အနည်းဆုံးအခကြေးငွေဆိုင်ရာလုပ်ငန်းကော်မတီများ ဖွဲ့စည်းခြင်းနှင့် လုပ်ငန်းတာဝန်များ

၁၂။ အမျိုးသားကော်မတီသည် ကော်မတီဝင်များထဲမှ အစိုးရဌာနအဖွဲ့အစည်း ကိုယ်စားလှယ်များ၊ ကူးသန်းရောင်းဝယ်ရေးလုပ်ငန်း၊ ကုန်ထုတ်လုပ်ငန်းနှင့် ဝန်ဆောင်မှုလုပ်ငန်း အဖွဲ့အစည်းများ၏ အလုပ်သမားနှင့် အလုပ်ရှင်ကိုယ်စားလှယ်များပါဝင်သည့် ကူးသန်းရောင်းဝယ်ရေးလုပ်ငန်း၊ ကုန်ထုတ်လုပ်ငန်းနှင့် ဝန်ဆောင်မှုလုပ်ငန်း အလုပ်သမားများ အနည်းဆုံးအခကြေးငွေစိစစ်ရေးလုပ်ငန်း ကော်မတီကို ဖွဲ့စည်းရမည်။

၁၃။ နည်းဥပေဒ ၁၂ အရ ဖွဲ့စည်းသေ လုပ်ငန်းကော်မတီသည် ပြည်‌ထောင်စုနယ်မြေကော်မတီ၊ တိုင်းဒေသကြီးကော်မတီ သို့မဟုတ် ပြည်နယ်ကော်မတီများ၏ ကူးသန်းရောင်းဝယ်ရေးလုပ်ငန်း၊ ကုန်ထုတ်လုပ်ငန်းနှင့် ဝန်‌ဆောင်မှုလုပ်ငန်း အလုပ်သမားများအတွက် အနည်းဆုံးအခကြေးငွေသတ်မှတ်ရေးဆိုင်ရာ အကြံပြုချက်များနှင့် စပ်လျဉ်း၍ စိစစ်တွက်ချက်ပြီး အမျိုးသားကော်မတီသို့ သ‌ဘောထားမှတ်ချက်များ တင်ပြရမည်။

၁၄။ အမျိုးသားကော်မတီသည် ကော်မတီဝင်များထဲမှ အစိုးရဌာနအဖွဲ့အစည်း ကိုယ်စားလှယ်များ၊ စိုက်ပျိုး‌ရေးနှင့် မွေးမြူရေးလုပ်ငန်းအဖွဲ့အစည်း၏ အလုပ်သမားနှင့် အလုပ်ရှင်ကိုယ်စားလှယ်များပါဝင်သည့် စိုက်ပျိုးရေးနှင့်မွေးမြူရေးလုပ်ငန်း အလုပ်သမားများ အနည်းဆုံးအခကြေးငွေစိစစ်ရေး လုပ်ငန်းကော်မတီကို ဖွဲ့စည်းရမည်။

၁၅။ နည်းဥပဒေ ၁၄ အရ ဖွဲ့စည်းသော လုပ်ငန်းကော်မတီသည် ပြည်ထောင်စုနယ်မြေကော်မတီ၊ တိုင်းဒေသကြီးကော်မတီ သို့မဟုတ် ပြည်နယ်ကော်မတီများ၏ စိုက်ပျိုးရေးနှင့်မွေးမြူ‌ရေး လုပ်ငန်းအလုပ်သမားများအတွက် အနည်းဆုံးအခကြေးငွေ သတ်မှတ်ရေးဆိုင်ရာ အကြံပြုချက်များနှင့် စပ်လျဉ်း၍ စိစစ်တွက်ချက်ပြီး အမျိုးသားကော်မတီသို့ သဘောထားမှတ်ချက်များတင်ပြရမည်။

၁၆။ အမျိုးသားကော်မတီသည် လုပ်ငန်းအမျိုးအစားအလိုက် အနည်းဆုံးအခကြေးငွေဆိုင်ရာ ကျွမ်းကျင်သူများနှင့် ပညာရှင်များပါဝင်သည့် အနည်းဆုံးအခကြေးငွေဆိုင်ရာ သုတေသနပြုလုပ်ရေးနှင့် အကြံပေးလုပ်ငန်းကော်မတီကို ဖွဲ့စည်းရမည်။

၁၈။ အနည်းဆုံးအခကြေးငွေဆိုင်ရာ လုပ်ငန်းကော်မတီများသည် လိုအပ်ပါက ပြည်ထောင်စုနယ်မြေ၊ တိုင်းဒေသကြီးနှင့် ပြည်နယ်များသို့ မြေပြင်ကွင်းဆင်းစစ်ဆေးခြင်း၊ စာရင်းစစ်တမ်းကောက်ယူခြင်းတို့ကို ဆောင်ရွက်နိုင်သည်။

အခန်း(၅)

သက်ဆိုင်သည့် လုပ်ငန်းအမျိုးအစားများ

၁၉။ အမျိုးသားကော်မတီသည် အနည်းဆုံးအခကြေးငွေဆိုင်ရာ ပြဋ္ဌာန်းချက်များနှင့် သက်ဆိုင်သည့် အလုပ်သမား ၁၆ ဦးနှင့် အထက်ဖြင့် လုပ်ကိုင်သော ကူးသန်းရောင်းဝယ်ရေးလုပ်ငန်း၊ ကုန်ထုတ်လုပ်ငန်းနှင့် ဝန်ဆောင်မှုလုပ်ငန်း၊ စိုက်ပျိုးရေးနှင့် မွေးမြူရေးလုပ်ငန်းတို့တွင် ပါဝင်သော လုပ်ငန်းအမျိုးအစားများကို နိုင်ငံတစ်ဝန်းလုံးအတွက်ဖြစ်စေ၊ ပြည်ထောင်စုနယ်မြေ၊ သက်ဆိုင်ရာ တိုင်းဒေသကြီး သို့မဟုတ် ပြည်နယ်ဒေသအလိုက်ဖြစ်စေ အမိန့်ကြော်ငြာစာ ထုတ်ပြန်၍ သတ်မှတ်ရမည်။

အခန်း(၆)

အနည်းဆုံးအခကြေးငွေ သတ်မှတ်ရေးနှင့် စပ်လျဉ်း၍ အခြေခံရမည့်အချက်များ

၂၂။ အမျိုးသားကော်မတီက အနည်းဆုံးအခကြေးငွေ သတ်မှတ်ခြင်းနှင့် ပြန်လည်သုံးသပ်ခြင်းပြုရာတွင်သော်လည်းကောင်း၊ အနည်းဆုံးအခကြေးငွေဆိုင်ရာလုပ်ငန်းကော်မတီများက အကြံပြုချက်များနှင့် သဘောထားမှတ်ချက်များ တင်ပြရာတွင်သော်လည်းကောင်း၊ ပြည်ထောင်စုနယ်မြေကော်မတီ၊ တိုင်းဒေသကြီးကော်မတီ သို့မဟုတ် ပြည်နယ်ကော်မတီများက လေ့လာစိစစ်တွက်ချက်ပြီးအကြံပြုခြင်းနှင့် ပြန်လည်သုံးသပ်ခြင်းပြုရာတွင် သော်လည်းကောင်း၊ ဥပဒေအခန်း(၅) ပုဒ်မ ၇တွင် ပြဋ္ဌာန်းထားသည့် အခြေခံရမည့်အချက်များနှင့် ထိုအခြေခံရမည့်အချက်များအပေါ် သုတေသနပြုတွေ့ရှိချက်များအား ထည့်သွင်းစဉ်းစား၍ စိစစ်တွက်ချက်ခြင်းပြုရမည်။

အခန်း(၇)

အနည်းဆုံးအခကြေးငွေ သတ်မှတ်ရေးအတွက် အကြံပြုချက်များတင်ပြခြင်း

၂၅။ အမျိုးသားကော်မတီ၏အဆိုပြု အနည်းဆုံးအခကြေးငွေ နှုန်းထားအပေါ် ကျိုးကြောင်းဆီလျော်သော ကန့်ကွက်ချက်ရှိခဲ့လျှင် ထိုကန့်ကွက်သောပုဂ္ဂိုလ် သို့မဟုတ် အဖွဲ့အစည်းနှင့် ပြည်ထောင်စုနယ်မြေကော်မတီ၊ သက်ဆိုင်ရာတိုင်းဒေသကြီးကော်မတီ သို့မဟုတ် ပြည်နယ်ကော်မတီတို့၏ ကိုယ်စားလှယ်များညှိနှိုင်းပြီး သတ်မှတ်သင့်သော အနည်းဆုံးအခကြေးငွေနှုန်းထားကို အမျိုးသားကော်မတီသို့ ပြန်လည်တင်ပြရမည်။

၂၆။ ကူးသန်းရောင်းဝယ်ရေးလုပ်ငန်း၊ ကုန်ထုတ်လုပ်ငန်းနှင့် ဝန်ဆောင်မှုလုပ်ငန်း အဖွဲ့အစည်းက ဖြစ်စေ၊ စိုက်ပျိုးရေးနှင့် မွေးမြူရေးလုပ်ငန်းအဖွဲ့အစည်းကဖြစ်စေ မိမိတို့၏ လုပ်ငန်းအလိုက်သို့မဟုတ် ဒေသအလိုက် အလုပ်သမားများအတွက် သတ်မှတ်သင့်သည့် အနည်းဆုံးအခကြေးငွေနှုန်းထားများကို ပြည်ထောင်စုနယ်မြေကော်မတီ၊ သက်ဆိုင်ရာတိုင်းဒေသကြီးကော်မတီ သို့မဟုတ် ပြည်နယ်ကော်မတီသို့ အဆိုပြုချက်များနှင့် အကြံပြုချက်များ တင်ပြနိုင်သည်။

၂၇။ ပြည်ထောင်စုနယ်မြေကော်မတီ၊ တိုင်းဒေသကြီးကော်မတီ သို့မဟုတ် ပြည်နယ်ကော်မတီသည် နည်းဥပဒေ ၂၆ အရ ကူးသန်းရောင်းဝယ်ရေးလုပ်ငန်း၊ ကုန်ထုတ်လုပ်ငန်းနှင့် ဝန်ဆောင်မှုလုပ်ငန်း အဖွဲ့အစည်းကဖြစ်စေ၊ စိုက်ပျိုးရေးနှင့်မွေးမြူရေးလုပ်ငန်း အဖွဲ့အစည်းကဖြစ်စေ အကြံပြုတင်ပြသော အနည်းဆုံးအခကြေးငွေ ပြင်ဆင်သတ်မှတ်သင့်သည့် နှုန်းထားများနှင့် စပ်လျဉ်း၍ စိစစ်ပြီး သဘောထားမှတ်ချက်ဖြင့် အမျိုးသားကော်မတီသို့ အကြံပြုတင်ပြရမည်။

၂၉။ သက်ဆိုင်ရာအထူးစီးပွား‌ရေးဇုန်စီမံခန့်ခွဲမှု ကော်မတီက အထူးစီးပွားရေးဇုန်အတွင်းရှိ အလုပ်သမားများအတွက် သတ်မှတ်ထားသည့် အနည်းဆုံးအခကြေးငွေနှုန်းထားများနှင့် စပ်လျဉ်း၍ ပြောင်းလဲလာသော အခြေအနေအရပ်ရပ်တို့နှင့် အညီ နှစ်နှစ်လျှင် အနည်းဆုံးတစ်ကြိမ်စိစစ်ပြီး သတ်မှတ်ထားသော အနည်းဆုံးအခကြေးငွေမှာ လိုက်လျောညီထွေမှုမရှိပါက ပြန်လည်သုံးသပ်၍ ပြင်ဆင်သတ်မှတ်နိုင်ရေးအတွက် အနည်းဆုံးအခကြေးငွေ ပြင်ဆင်သတ်မှတ်သင့်သည့် နှုန်းထားများကို သက်ဆိုင်ရာ တိုင်းဒေသကြီး သို့မဟုတ် ပြည်နယ်ကော်မတီနှင့် ညှိနှိုင်း၍ အမျိုးသားကော်မတီသို့ အကြံပြုတင်ပြနိုင်သည်။

အခန်း(၈)

အနည်းဆုံးအခကြေးငွေ သတ်မှတ်ခြင်း

၃၂။ ကူးသန်းရောင်းဝယ်ရေးလုပ်ငန်း၊ ကုန်ုထုတ်လုပ်ငန်းနှင့် ဝန်ဆောင်မှုလုပ်ငန်း အလုပ်သမားအနည်းဆုံးအခကြေးငွေ စိစစ်ရေးလုပ်ငန်းကော်မတီသည် ပြည်ထောင်စုနယ်မြေကော်မတီ၊ တိုင်းဒေသကြီးကော်မတီ သို့မဟုတ် ပြည်နယ်ကော်မတီများကတင်ပြသော အကြံပြုချက်များတွင် ပါရှိသည့် ကူးသန်းရောင်းဝယ်ရေးလုပ်ငန်း၊ ကုန်ထုတ်လုပ်ငန်းနှင့် ဝန်ဆောင်မှုလုပ်ငန်း အလုပ်သမားများအတွက် အနည်းဆုံးအခကြေးငွေ သတ်မှတ်ရေးနှင့် စပ်လျဉ်း၍ အခြေခံရမည့် အချက်များကို သုတေသနပြုလုပ်ချက်များနှင့် စစ်တမ်းများဖြင့် နှိုင်းယှဉ် စိစစ်တွက်ချက်ပြီးလုပ်ငန်းအလိုက်၊ ဒေသအလိုက် သတ်မှတ်သင့်သော အနည်းဆုံးအခကြေးငွေနှုန်းထားများအား အမျိုးသားကော်မတီသို့ သဘောထားမှတ်ချက်များတင်ပြရမည်။

၃၃။ စိုက်ပျိုးရေးနှင့်မွေးမြူရေးလုပ်ငန်း အလုပ်သမား အနည်းဆုံးအခကြေး စိစစ်ရေးလုပ်ငန်းကော်မတီသည် ပြည်ထောင်စုနယ်မြေကော်မတီ၊ တိုင်းဒေသကြီးကော်မတီ သို့မဟုတ် ပြည်နယ်ကော်မတီများက တင်ပြသော အကြံပြုချက်များတွင်ပါရှိသည့် စိုက်ပျိုး‌ရေးနှင့် မွေးမြူရေးလုပ်ငန်း အလုပ်သမားများအတွက် အနည်းဆုံးအခကြေးငွေ သတ်မှတ်ရေးနှင့် စပ်လျဉ်း၍ အခြေခံရမည့် အချက်များကို သုတေသနပြုလုပ်ချက်များနှင့် စစ်တမ်းများဖြင့် နှိုင်းယှဉ်စိစစ်တွက်ချက်ပြီး လုပ်ငန်းအလိုက်၊ ဒေသအလိုက်သတ်မှတ်သင့်သော အနည်းဆုံးအခကြေးငွေနှုန်းထားများအား အမျိုးကော်မတီသို့ သဘောထားမှတ်ချက်များ တင်ပြရမည်။

၃၇။ နည်း‌ဥပဒေ ၃၆ အရ အများပြည်သူသိရှိရန် ကြေညာသည့် အဆိုပြုအနည်းဆုံးအခကြေးငွေနှုန်းထားနှင့် စပ်လျဉ်း၍ ကန့်ကွက်လိုသူ သို့မဟုတ် ကန့်ကွက်လိုသည့်အဖွဲ့အစည်း သို့မဟုတ် ပြင်ဆင်ရန် အဆိုပြုလိုသူ သို့မဟုတ် ပြင်ဆင်ရန် အဆိုပြုလိုသည့် အဖွဲ့အစည်းသည် ပူးတွဲပါပုံစံအတိုင်း ဖြည့်စွက်၍ ရက်သတ္တနှစ်ပတ်အတွင်း ပြည်ထောင်စုနယ်မြေကော်မတီ၊ သက်ဆိုင်ရာ တိုင်းဒေသကြီးကော်မတီ သို့မဟုတ် ပြည်နယ်ကော်မတီသို့ တင်ပြရမည့်အပြင် မိတ္တူကို အမျိုးသားကော်မတီနှင့် ဦးစီးဌာနသို့ ပေးပို့ရမည်။

၃၉။ ပြည်ထောင်စုနယ်မြေကော်မတီ၊ သက်ဆိုင်ရာတိုင်းဒေသကြီးကော်မတီ သို့မဟုတ် ပြည်နယ်ကော်မတီသည် အဆိုပြုအနည်းဆုံးအခကြေးငွေနှုန်းထားနှင့် စပ်လျဉ်း၍ နည်းဥပေဒ ၃၇ အရ တင်ပြသည့် ကန့်ကွက်ချက် သို့မဟုတ် ပြင်ဆင်ရန် အဆိုပြုချက်များနှင့် နည်းဥပဒေ ၃၈ အရ ကွင်းဆင်းစစ်ဆေးချက်များကို လေ့လာစိစစ်ပြီး အဆိုပြုနှုန်းထားကို အမှုတွဲနှင့် သက်သေခံ အထောက်အထား စာရွက်စာတမ်းများပူးတွဲ၍ အမျိုးသားကော်မတီသို့ တင်ပြရမည်။

အခန်း(၉)

အလုပ်ရှင်၏အခွင့်အရေးနှင့် တာဝန်များ

အခန်း(၁၀)

အလုပ်သမားများ၏တာဝန်နှင့်အခွင့်အရေးများ

အခန်း(၁၁)

အထွေထွေ

၄၆။ ဦးစီးဌာနသည် နည်းဥပဒေအရ ၄၅ အရတောင်းခံသော်လည်း သတ်မှတ်ပေးသော အချိန်အတွင်း အလုပ်ရှင်က အနည်းဆုံးအခကြေးငွေပေးရန် ပျက်ကွက်လျှင် ပြည်ထောင်စုနယ်မြေကော်မတီ၊ တိုင်းဒေသကြီးကော်မတီ သို့မဟုတ် ပြည်နယ်ကော်မတီ၏ သဘောတူညီချက်ဖြင့် ထိုအလုပ်ရှင်အား သက်ဆိုင်ရာတရားရုံးတွင် တရားစွဲဆိုရန် စစ်ဆေးရေးအရာရှိ တစ်ဦးဦးအား တာဝန်ပေးရမည်။

၄၇။ စစ်ဆေးရေးအရာရှိသည် ဦးစီးဌာန၏ တာဝန်ပေးအပ်ချက်အရ အနည်းဆုံးအခကြေးငွေပေးသွင်းရန်ပျက်ကွက်သော အလုပ်ရှင်အပေါ် သက်ဆိုင်ရာတရားရုံးတွင် တရားစွဲဆိုနိုင်သည်။ ဥပ‌ဒေပုဒ်မ ၁၆ အရ အလုပ်သမားသည် ခံစားခွင့်ရှိသော အခကြေးငွေနှင့် အခြားခံစားခွင့်အပြည့်အဝမရရှိပါက ထိုအခကြေးငွေနှင့် ခံစားခွင့်များအတွက် တရားမကြောင်းအရ တရားစွဲဆိုတောင်းခံခွင့်ကို ထိခိုက်ခြင်း မရှိစေရ။

၄၈။ နည်းဥပဒေ ၄၅၊ ၄၆၊ ၄၇ ပါ ကိစ္စနှင့် စပ်လျဉ်း၍ အထူးစီးပွားရေးဇုန် စီမံခန့်ခွဲမှုကော်မတီသည် အမျိုးသားကော်မတီ၏ လမ်းညွှန်မှုအား လိုက်နာရမည်။

ဦးမောင်မြင့်
ပြည်ထောင်စုဝန်ကြီး
အလုပ်သမား၊ အလုပ်အကိုင်နှင့်လူမှုဖူလုံရေးဝန်ကြီးဌာန